Аудандық мектеп лигасы – 2018

0
3162

Кеше, Алтын ауыл мектебінде «Аудандық мектеп лигасы – 2018» атты спорттық жарыстың ашылу салтанаты болды. Биыл, облыс көлемінде бірінші рет ұйымдастырылған сайыстың басты мақсаты 2016 – 2019 жылдарға Қазақстан Республикасында білім беруге және ғылымды дамытуға арналған мемлекеттік бағдарламаны жүзеге асыру. Саламатты өмір салты насихатталған бұл ауқымды шараның құрметті қонақтары ретінде Алматы облысы білім басқармасы дене шынықтыру, спорт, алғашқы әскери дайындық және қосалқы білім берудің ғылыми тәжірибелік орталығының директоры Досет Байдильдин, аудандық білім бөлімінің басшысы Гүлнар Такимова, спорт және денешынықтыру бөлімінің басшысы Серік Қамзанов таныстырылып, көпшілік алдында құттықтау сөз сөйледі.

Жалпы, бұндай мектеп лигаларының спорттық жарыстары үш кезеңнен тұрады. Атап айтсақ, іріктеу кезеңінде мектептің құрама командасы құрылса, кейінгілерінде аудан және облыс бойынша жеңімпаздар анықталады.

Бұл лигада ауданымыздың 51 мектебінен іріктелген командалар тоғыз құмалақ, шағын футбол, баскетбол, волейбол, эстафеталық жарыстар сияқты спорт түрлерінен бақ сынайды. Оның алғашқысы кеше шахматтан өтті.

ОСТАВЬТЕ ОТВЕТ

Пожалуйста, введите ваш комментарий!
пожалуйста, введите ваше имя здесь