Мемлекет басшысы Қ.Тоқаев волонтер студенттердің шәкіртақысын ұлғайту керектігін айтты, деп хабарлайды karasayinfo.kz желілік басылымы. Бұл туралы ҚазАқпарат сайтында жария болды.
ҚР Президенті Қасым-Жомарт Тоқаев Жастар жылының жабылуы мен Волонтер жылының ашылу жиынында Волонтер студенттердің жағдайына қатысты мәлімдеме жасады. Әсіресе, олардың шәкіртақысына қатысты Үкіметке ұсыныс тастағанын айта кеткен жөн.
– Волонтерлердің шәкіртақысын ұлғайтуға болады деп есептеймін. Үкімет бұл мәселені шешеді деп ойлаймын. Ал коммерциялық бағытта білім алатындарға әлеуметтік студенттік кредит жүйесін енгізу қажет, – деп айтқан Қасым-Жомарт Кемелұлы, қазіргі уақытта құрылып үлгерген волонтерліктің онлайн тұғырнамасы жұмысын жетілдіру маңыздылығына да назар аударды.