Еңбек және халықты әлеуметтік қорғау вице-министрі Светлана Жақыпова бір жасқа дейінгі бала күтіміне берілетін жәрдемақыны мерзімін үш жылға дейін ұзарту жоспарланып жатқанын айтты, – деп хабарлайды Karasayinfo.kz желілік басылымы Tengrinews.kz сайтына сілтеме жасап.
Бұл туралы вице-министр көпбалалы отбасында қайтыс болған қыздардың оқиғасына қатысты пікір білдіру барысында айтты.
– Еңбек және халықты әлеуметтік қорғау министрлігі декреттегі әйелдерге жәрдемақы беру мерзімін ұзарту туралы бірнеше рет ұсыныс жасаған болатын. Бюджеттік қаражатты ескере отырып, біз республикалық бюджеттік комиссияға өтініш қалдырғанбыз. Біздің ұсыныс әлі мақұлданбады. Енді тағы да ұсыныс жасаймыз, – деді вице-министр .