Үй жағдайында дұрыс дайындалмаған антисептик коронавирусқа қарсы күресе алмайды. Бұл туралы ресейлік фармаколог дәрігер Игорь Федоров айтты, деп хабарлайды karasayinfo.kz желілік басылымы ria.ru сайтына сілтеме жасап.
– Бұл өнімді үйде жасамаған жөн. Өйткені спирттен дұрыс композиция жасай алмауыңыз мүмкін. ДДСҰ айтуынша, құрамында 62%-дан астам спирт болса ғана вирусты өлтіре алады, – деді маман.
Ал, үйде жасалған антисептикпен қолын зарарсыздандырған адам тек қана өзін алдауы мүмкін екенін айтып өтті. Сонымен қатар, маман спиртсіз антисептиктердің әсерін түсіндіріп берді.
– Егер құрамында хлоргексидин бар спиртсіз антисептиктер туралы айтатын болсақ, олар кейбір бактерияларға қарсы әрекет етеді, бірақ вирусты жоймайды, – деп толықтырды Федоров