Акция жалғасуда

Ауданымызда «Тіл тазалығын сақтайық!» акциясы бойынша Іргелі ауылдық округіде құрылған топ мүшелері жақында «Асыл Арман» тұрғын үй кешенінде орналасқан комерциялық нысандарына рейд жүргізді. Ондағы мақсат – ана тіліміздің мерейін үстем етіп, кеткен олқылықтарды түзету. Мекеме иелеріне анықталған кемшіліктер мен қателіктерге ескертпе хат ұсынып, заң талабына орай түсіндірме жұмыс атқарылды. «Тіл сақшысы» тобы Іргелі округінің басқа да көшелеріндегі нысандар иелеріне әдістемелік көмек жүргізді. Бұндай іс-шаралар барлық округтерде қызу қарқынмен жалғасуда.