Ақпанның 13-інен бастап Қазақстанда берілген жүргізуші куәлігін, көлік құралын тіркеу куәлігін, сақтандыру полисін, сондай-ақ, техникалық байқаудан өткенін растайтын құжатты полицей планшет арқылы тексереді. Ал, Интернет желісіне қолжетімділік жоқ елді мекендерде және тас жолдарда тексеру радиобайланыс арналары арқылы жүзеге асырылатын болады, деп хабарлайды Karasayinfo.kz желілік басылымы zakon.kz сайтына сілтеме жасап.
Жаңа нормалардың қазақстандық жүргізуші куәлігі жоқ шетелдіктерге және Қазақстанда тіркелмеген көлік басқарушыларына қатысы жоқ.
Бұрын жүргізуші құжаттарынсыз жүргендерге ескерту (егер алғаш рет болса) жасалып немесе 5 АЕК айыппұл салынатын.