Үндістанда көру қабілеті нашар немесе көзі мүлдем көре алмайтын адамдарға арналған әлемдегі алғашқы смартфон жасалды, деп хабарлайды Karasayinfo.kz желілік басылымы Zakon.kz сайтына сілтеме жасап.
Аталмыш телефонның корпусы көзі нашар немесе мүлдем көрмейтін жандарға арналған «Брайль» шрифтінің көмегімен жасалған. Смартфон пішінді жад эффектісіне негізделген «Shape Memory Alloy» технологиясын қолданады. Сондай-ақ, бұл құрылғы талаптарға сәйкес белгілі бір әріптер мен таңбалар үшін жауап беретін жоғарыдан төмен қарай орналасқан байланыстар торымен қамтылған. Ал, оның экраны бәріне таныс әріптер бар қарапайым мәтінді «Брайль» қарпіне және керісінше аудара алатын аудармашы ретінде қызмет етеді.