ҚР Ұлттық экономика министрлігінің мәлімдеуінше Статистика комитеті респонденттерге уақытылы есеп бермегені үшін айыппұл салуды шегерді, деп хабарлайды Karasayinfo.kz желілік басылымы inform.kz сайтына сілтеме жасап.
«Төтенше жағдай кезінде респонденттерге қатысты ҚР ӘҚК-нің 497-бабы бойынша осы кезеңдегі бастапқы статистикалық деректерді беру тәртібін бұзғаны үшін әкімшілік іс қозғалмайды; бұрын салынған айыппұл санкциясы бойынша айыппұл алынбайды және оларды мәжбүрлеп өндіру үшін материал жолданбайды», — делінген хабарламада.
Еске салсақ, 2020 жылғы 23 наурызда ҚР Президенті құқық қорғау және фискалдық органдар тарапынан кәсіпкерлерге кез келген қысымды, оның ішінде, әкімшілік жауапкершілікке тартуды болдырмауды тапсырған болатын.