Шымкентте карантин кезінде 80 адамға үйлену тойын жасағандарға айыппұл салынды, — деп хабарлайды karasayinfo.kz желілік басылымы Tengrinews.kz сайтына сілтеме жасап.
Шымкент Полиция департаментінің мәліметінше, Абай ауданында адам көп жиналып, той өткен мейрамхана анықталған. Тойға 80-нен аса қонақ келген.
Бұл дерек бойынша жиналған құжаттар Әкімшілік кодекстің 425-бабы («Халықтың санитариялық-эпидемиологиялық саламаттылығы саласындағы заңнама талаптарын, сондай-ақ гигиеналық нормативтердi бұзу») бойынша карантин талаптарын бұзған ұйымдастырушыларға әкімшілік шаралар қолдану үшін тиісті мекемеге жіберілді.