Біздің еліміз Ауғанстаннан 42 адамды эвакуациялады, деп хабарлайды Karasayinfo.kz желілік басылымы ҚР Қорғаныс министрлігінің баспасөз қызметіне сілтеме жасап.
Министрліктің мәліметіне сүйенсек, кеше сағат 17:00-де ҚР Әскери әуе күштерінің С-295 әскери-көлік ұшағы Ауғанстаннан эвакуацияланған 42 жолаушымен Алматыға сәтті қонған.Қазақстанға 25 Қазақстан азаматы, оның ішінде 15 ересек адам және 10 бала, сондай-ақ ҚР Елшілігінің қызметкерлері келді.
Сонымен қатар, осы бортпен Қырғызстан тарапының өтініші бойынша бұл елдің 14 азаматы эвакуацияланды. Гуманитарлық операция ретінде осы ұшақпен ҚР Елшілігіне көмек сұрап жүгінген 1 Ресей азаматы мен 1 Литва азаматы АИР-дан шығарылды.
«Қазақстан Республикасы әрдайым шетелдегі өз азаматтарының мүдделері мен құқықтарын қорғайды», — деп аталып өткен хабарламада.