Алматы әкімі Бақытжан Сағынтаев азаматтарды қабылдады, деп хабарлайды karasayinfo.kz желілік баслымы ҚазАқпарат сайтына сілтеме жасап.
Онлайн форматта өткен қабылдау кезінде қала тұрғындары тұрғын үй қатынастарына, мәдениет саласын қолдауға және коммуналдық секторды дамытуға қатысты сұрақтар қойды.
Қабылдауға қатысқандар арасында жекешелендіру құқығынсыз мемлекет бөлген жалдамалы пәтерде тұратын соғыс ардагері Геннадий Васильевич Новоленов та болды. Оның өтініші бойынша қала әкімі Бақытжан Сағынтаев тұрғын үй саясаты басқармасына коммуналдық қордан жекешелендіру құқығы бар баламалы пәтер табуды тапсырды.