Фильмнің сценарийі топ туралы жазылған кітаптарға негізделген. Жоба жұмысына кеңесшілер ретінде «Дос-Мұқасан» туралы кітаптардың бірінің авторы Досым Сүлеев, топтың көркемдік жетекшісі Мұрат Құсайынов жұмылдырылды, деп хабарлайды Karasayinfo.kz желілік басылымы ztb_kazakhstan әлеуметтік желісіне сілтеме жасап.
Картинаның режиссері Айдын Сахаман өз алдына нақты оқиғаларда картинаны түсіру мақсатын қойып отырғанын атап өтті.
– Бірақ, өндірістің ерекшеліктері, драматургияның қыр-сыры әлі де бар, ал шынайы өмір көрермен оны көргісі келгендей драмалық болмауы мүмкін. Сондықтан, әрине, безендірусіз болмайды деп ойлаймын, – деді Сахаман.