Елімізде блок бекеттерде тұрған полиция қызметкерлері үшін көліктерді тіркеуге көмектесетің жаңа «Сергек: блокпост» мобильді қосымшасы әзірленді, деп хабарлайды Karasayinfo.kz желілік басылымы ҚазАқпарат сайтына сілтеме жасап.
Ондағы мақсат – жүргізушілермен тікелей байланыс орнатпау. Жол сақшылары көлік иелерін планшетке суретке түсіріп, яки, жеке сәйкестендіру нөмірін тіркеу арқылы әлгі адамға қатысты барлық ақпаратты автоматты түрде ортақ базаға енгізе алады. Бұл жүйе індет жұқтыру қаупін төмендетеді және жол сақшыларының жұмысын анағұрлым жеңілдетеді. Қазір тәртіп сақшыларының қолында мыңға жуық планшет бар. Ал, мобильді қосымша небәрі бір күнде әзірленген екен.