ШҚО әкімі Даниал Ахметов тұрғындар алдында есеп беруі кезінде жас ақын Мерей Қарттың ұсынысын алға тартып, Семей әуежайына белгілі тұлғалардың есімін беру жөнінде мәлімдеме жасады, — деп хабарлайды karasayinfo.kz желілік басылымы ҚазАқпаратқа сайтына сілтеме жасап.
Облыс басшысының мәлімдеуінше, Семей қаласында ғұлама Абайдың атына берілген нысандар жетіп артылады. Мәселен, Абай музейі, Абай театры, Абай кітапханасы. Тіпті, қазіргі таңда «Абай Арена» мәдени-спорттық кешен де салынып жатыр екен.
«Ұсыныс өте орынды. Бұл ретте біз жерлесіміз ұлы жазушы Мұхтар Әуезовтің есіміне назар аударуымыз керек сияқты», — деді Даниал Ахметов.
Желілік басылымдағы сурет ҚазАқпараттан алынды.
