Батыс Қазақстанның орталығы Орал қаласында орналасқан жоғары аграрлық-техникалық колледждің студенттері 3D модельдеу бойынша оқытылып жатыр деп хабарлайды Karasayinfo.kz желілік басылымы 24.kz сайтына сілтеме жасап.
Әзірге бұл – 10 сағаттық бағдарлама. Жаңа оқу жылынан бастап барлық мамандықтарға толыққанды пән ретінде енгізу жоспарланған. Бағдарлама құрылыс саласын жаңғыртуға арналған. Өйткені 2020 жылы Қазақстан жаңа құрылыс нормасына көшеді. Үш өлшемді виртуалды үлгілерді жасау болашақта пайда болатын ғимараттарды жобалауда тапсырыс берушінің талаптарын орындауға және жіберілетін қателіктерді болдырмауға септігін тигізеді. Колледждің осы бағдарламамен жұмыс жасау үшін 12 мұғалімі Финляндияда оқып келген. Қазір олар алған білімдерімен бөлісуде.