ҚР Президенті Қ.Тоқаев Нұр-Сұлтан, Алматы, Шымкент қалаларының және облыстардың әкімдеріне қатысты Жарлыққа қол қойды, деп хабарлайды karasayinfo.kz желілік басылымы Ақорда сайтына сілтеме жасап.
Жарлықтың толық мәтіні төмендегідей:
Қазақстан Республикасы Конституциясының 87-бабының 5-тармағына сәйкес жаңадан сайланған Қазақстан Республикасының Президенті қызметіне кіріскен кезде Нұр-Сұлтан, Алматы, Шымкент қалаларының және облыстардың әкімдері өкілеттігінің тоқтатылуына байланысты ҚАУЛЫ ЕТЕМІН:
- Нұр-Сұлтан, Алматы, Шымкент қалаларының және облыстардыңәкімдері тиісті әкімдер тағайындалғанға дейін өз міндеттерін атқаратынболсын.
- Осы Жарлық қол қойылған күнінен бастап қолданысқа енгізіледі.
Қазақстан Республикасының
Президенті Қ.Тоқаев