Sorry, this entry is only available in Орыс Тілі.
Түрлі сала бойынша көрсетілетін мемлекеттік қызметтер қатысты семинар өтті, деп хабарлайды karasayinfo.kz желілік басылымның тілшісі.
Мемлекеттік қызметшілер халықпен тығыз қарым-қатынаста болу арқылы олардың өтініштеріне үнемі мән беруі керек. Бұл – олардың негізгі міндеттері десек те болады. Ал, жалпы мемлекеттік қызметтер тұрғындардың құқықтарына сәйкес жүзеге асатынын да ұмытпаған жөн. Бүгін аудандық әкімдіктің үлкен мәжіліс залында осы бағытта ақпарат беріліп, маңызды мәселелер аясында семинар өтті. Аудан әкімі аппаратының басшысы Айдын Әуесбай төрағалық еткен маңызды жиынға ауылдық округ әкімдерінен бастап, мемлекеттік қызмет саласына жауапты барлық мамандар қатысты. Басқосудың негізгі мақсаты – мемлекеттік көрсетілетін қызметтердің сапалы болуына қатысты ақпараттарды ортаға салу және жан-жақты түсіндіру. Жалпы, отырыс барысында көптеген өзекті мәселелер талқыланса, оның барлығы халықтың өтінішіне байланысты көтерілген сұрақтар деуге болады. Ал, олардың шешімі жауапты мамандардың бір жақты кеңесуі арқылы түсіндірілгенін айтқан жөн. Семинарда алғаш сөз кезегін мемлекеттік қызметтер мониторингі және ақпараттық технологиялар бөлімінің басшысы Еламан Омербаев алып, ол ағымдағы жылдың 9 ай қорытындысы бойынша атқарылған жұмысты баян етті.
Сөз арасында бөлім басшысы Еламан Саматұлымен ортақ кеңесу мақсатында округ әкімдері және мемлекеттік қызмет бағытын ұсынатын өзге де мамандар түрлі сауалдарын қойды. Мәселен, білім, жер қатынастары сияқты салаларға қатысты түрлі мәселелер көтерілді. Олардың оңтайлы әрі бірден шешім табуы аудан халқының көлеміне байланысты болып жататыны да айтылды. Осы ретте, қызметшілердің ортақ ақылдасуы кезінде Халыққа қызмет көрсету орталығының маманы да сөзге аралысып, өз тараптарынан көрсетілетін қызметке де нақты жауап берді. Семинар соңында аудан әкімі аппаратының басшысы Айдын Әуесбай талқыланған мәселелердің барлығы өзекті екенін алға тартып, екі айда бір рет осы құраммен тағы кездесу болатынын жеткізді.