ҚХР-ден сәлемдемелер мен хат жеткізу уақытша тоқтатылды. Өйткені қазір Қазақстан мен Қытай арасындағы шекара жабылған, деп хабарлайды Karasayinfo.kz желілік басылымы Қазақпарат сайтына сілтеме жасап.
Автокөлік қозғалысына, әуе және темір жол қатынасына уақытша тыйым салынған. Дегенмен, Дүниежүзілік денсаулық сақтау ұйымының мамандары жұрттың үрейін қашырған коронавирус хат арқылы жұқпайды деп сендіреді. Олар қауіпті індет адам ағзасында ғана сақталады, ал тұрмыстық заттар арқылы таралмайды деп отыр. Десе де, еліміз сақтық шараларын сақтап отыр.