Қарасай ауданы әкімінің жаңа орынбасары тағайындалды. Бұған дейін бұл лауазымдағы Н.Жұмәділ басқа жұмысқа ауысуына байланысты, аудан әкімінің 23.06.2017 жылғы №22ө өкімімен, аталған қызметті енді Сатубеков Нұржан Алмабайұлы атқаратын болды.
Н.Сатубеков 1983 жылы Қаскелең қаласында дүниеге келген. 2004 жылы әл-Фараби атындағы Қазақ ұлттық университетінде «заңгер», 2014 жылы І.Жансүгіров атындағы Жетісу мемлекеттік университетінде «экономика және бизнес» мамандығы бойынша білім алған. Еңбек жолын Қарасай ауданының Әділет басқармасының жетекші маманы болып бастап, 2008 жылдан аталған мекеме бастығының орынбасары, 2010 жылдан бастығы болған. 2016 жылдың желтоқсан айынан осы уақытқа дейін Қарасай ауданы әкімінің кеңесшісі қызметін атқарды.
2017 жылдың 23 маусымынан Қарасай ауданы әкімінің орынбасары.