35 жасқа толмаған алматылық жастар жаңа бағдарламамен баспана ала алады. Бұл туралы Алматы қаласының әкімі Бақытжан Сағынтаев қорытынды есептік жиналысында айтты деп хабарлайды Karasayinfo.kz желілік басылымы «Хабар 24» сайтына сілтеме жасап.
Жұмыс істейтін жастар баспанамен қамтылады. Оңтүстік астананың әкімдігі 35 жасқа толмаған бюджеттік саланың қызметкерлеріне арналған жаңа тұрғын үй бағдарламасын іске қоспақ. Онда 13 млн теңгеге дейінгі баспана жылына 5%-тік жеңілдікпен берілу қарастырылған. Бастапқы жарна 10% құрап отыр. Ал, несиені қайтару мерзімі бағдарлама бойынша 3 жылдан 25 жылға дейін.