Қазақстанда Оңтүстік Кореяның атақты «Маска» шоуы көрсетіледі, деп хабарлайды karasayinfo.kz желілік басылымы «Хабар 24» сайтына сілтеме жаспа.
Телеарна мәліметінше, музыкалық шоудың басталуына 10 күн қалды. Әлемнің 50-ден аса елінде танымал болған бағдарлама «Хабар» телеарнасында эфирге шығады. Бұл шоу бірнеше жыл бұрын Оңтүстік Кореяда пайда болған.
Оңтүстік Кореядағы шоудың атауы біршама ұзын – «Бетін жасырған алаяқ-король» деп аталған. Кореялық кейіпкерлер жануар, жеміс немесе көкөніс кейпінде жүреді.
Кореялық шоуға 14 кейіпкер қатысады. Көбіне олар – кәсіби әншілер. Арасында әлемде танымал әртістер бар. BTS әншісі Чон Гук та қатысты. Ал рок-музыкант Ха Ен У өз дауысының кең диапазонын көрсетті және оны ұзақ уақыт бойы ешкім таныған жоқ.
Қазақстан – «Маска» шоуы көрсетілетін 55-ші ел. Кореядағыдай 14 адам қатысады. Олардың екеуі алтын адам мен көбелек маскасын киіп шығатыны белгілі.