20.02.2020: Кеше бұл әдемі әрі әсерлі күні Алматыда некелескендер саны күндегіден 84%-ға көп болды, деп хабарлайды Karasayinfo,kz желілік басылымы inAlmaty.kz сайтына сілтеме жасап.
Отау құрғандардың арасында 65 жастан асқан қарт ерлі-зайыптылар да болды. Олар ажырасқандарына 30 жыл өткен соң қайта үйленген. Нумерологтардың айтуынша, 20.02.2020 сандарын бір біріне қосқанда шексіздіктің белгісін білдіретін 8 саны шығады. Демек, бұл күні қиылған неке берік әрі ұзақ болмақ. Осы болжамға сеніп, дәл осы күні үйленгісі келген алматылықтардың саны 156-ға жеткен. Сол себепті оңтүстік астанадағы барлық АХАЖ бөлімдерінің алды адамға лық толды.
Бұл басқа күндермен салыстырғанда 84%-ға көп. Некелескендер – 18-ден 65 жас аралығындағы жұптар.