Өңірдегі криминогендік жағдай биыл айтарлықтай жақсарып, қарақшылық шабуылдардың саны 2,6 есеге азайды. Бұл ретте, қылмыстың осындай қауіпті түрінің жалпы ашылуы 1,3%-ға, ал «ізін суытпай» ашу 12%-ға жақсарды, деп хабарлайды Karasayinfo.kz желілік басылымы облыстық полиция басқармасының әлеуметтік парақшасына сілтеме жасап.
– Полицияның тиімді жұмысының оң мысалы ретінде ағымдағы жылдың 27- қазанында Қарасай ауданының 49 жастағы тұрғынына «Алматы-Өскемен» тас жолында жасалған қарақшылық шабуыл дерегін келтірсек болады , онда бетперде киген бес белгісіз адам дене күшін қолдана отырып, жәбірленушінің жеке мүлкін ашық иеленіп кеткен. Ұйымдастырылған жедел-іздестіру іс-шараларының нәтижесінде күдіктілер дереу анықталып, ұсталды, – деп атап өтті Алматы облысы ПД Криминалдық полиция басқармасының бастығы, полиция полковнигі Асхат Данияр.
Сондай-ақ, облыстағы ұрлық саны да 2,1 есеге азайған. Нақтырақ айтқанда, кафелер мен мейрамханалардағы тонау 3 есеге, саябақтардағы 4 есеге, көшелерде 2 есеге төмендесе, дүкендердегі тонау саны 22-ден 9-ға дейін, үйлер мен пәтерлердегі 56-дан 20-ға дейін азайған. Сонымен қатар, қылмыстың осы түрінің ашылуы 3,3%-ға жақсарып, биыл 76,6%-ды құрады, ал, 2019 жылғы бұл көрсеткіш 71,3%-ды көрсеткен.