Германия мемлекетінде дүкендер мен қоғамдық көлікте бетперде кию міндеттелді, деп хабарлайды Karasayinfo.kz желілік басылымы 24.kz сайтына сілтеме жасап.
Елде осындай талап күшіне енді. Ал, маска тақпағандар 25-тен 150 еуроға дейін айыппұл төлейді. Мұндай қадамға баруға коронавирус жұқтырғандар санының артуы мәжбүрледі. Өткен тәулікте індетті мыңнан астам адам жұқтырған. Осылайша жалпы коронавирустық инфекцияны жұқтырғандар саны елде 155 мыңнан асты. 5750 адам қайтыс болды. Сауығып кеткендердің саны 114 мыңға жетті.