Қазақстанның білім және ғылым министрі Асхат Аймағамбетов мектептердегі 2021-2022 оқу жылының ұзақтығы туралы бұйрыққа қол қойды, деп хабарлайды Karasayinfo.kz желілік басылымы.
2021-2022 оқу жылы 1 қыркүйекте басталады. Оқу жылының ұзақтығы бірінші сыныптарда – 33 оқу аптасына, 2-11 сыныптарда – 34 оқу аптасына созылады.
Оқу жылы ішіндегі каникул мынадай:
1-11 (12) сыныптарда: күзгі – 7 күн (2021 жылғы 1-7 қарашаны қоса алғанда), қысқы – 11 күн (2021 жылғы 30 желтоқсаннан бастап 2022 жылғы 9 қаңтарды қоса алғанда), көктемгі – 12 күн (2022 жылғы 19-30 наурызды қоса алғанда);
1-сыныптарда: қосымша каникул – 7 күн (2022 жылғы 7-13 ақпанды қоса алғанда).