Мемлекет басшысы Қасым-Жомарт Тоқаев Абай шығармаларын елімізде ғана емес, шетелде де насихаттау керек екенін айтты, – деп хабарлайды karasayinfo.kz желілік басылымы Tengrinews.kz сайтына сілтеме жасап.
«Бүгін – Абай күні. Біз ұлтымыздың ұлы перзентін ұлықтай береміз. Өйткені халқымыздың болмыс-бітімі, ділі, дүниетанымы оның шығармашылығында тұтастай көрініс тапқан. Абай шығармаларын елімізде ғана емес, шетелде де насихаттауымыз керек», – деді Тоқаев Тwitter-парақшасында.
Айта кетейік, 10 тамызда Қазақстанда қазақ жазба әдебиетінің негізін қалаушы, ақын, ағартушы және композитор Абай Құнанбаев күні атап өтіледі. Жаңа мереке 2020 жылы бекітілген болатын. Ол кезде қазақтың ұлы ақынының 175 жылдық мерейтойы атап өтілді. 5 тамызда бұл күн ресми мерекелер тізіміне енгізілді.