Президент Қасым-Жомарт Тоқаевтың бастамасы азаматтар арасында, оның ішінде қоғам қайраткерлері, пікір көшбасшылары мен өңірдің үкіметтік емес ұйымдарының өкілдері арасында кең қолдауға ие болды және барлығы белсене қатысуда. Жергілікті тұрғындар акцияның барлық қатысушыларының іс-әрекеттерін үйлестіру үшін аудандық және ауылдық деңгейде қоғамдық штабтар құрды.
Ірі кәсіпорындар мен ұйымдардағы үйлестірушілер жергілікті атқарушы органдармен бірлесіп санитарлық тазалау және көгалдандыру жоспарларын әзірлейді. Келесі айда айналаны тазарту, шамамен 15 мың ағаш көшеттерін отырғызу, сондай-ақ жасыл желектерді күту және басқа да іс-шаралар жоспарланған. Осы мақсатта 450 арнайы техника жұмылдырылды.
«Таза Қазақстан» республикалық экологиялық акциясы шеңберінде елді мекендерді, мәдени-тарихи орындарды, сондай-ақ су айдындары мен өзендердің аумақтарын санитарлық тазарту бойынша 500-ден астам іс-шара өткізу көзделіп отыр.
Айта кетейік, арықтарды тазарту басым міндет болып табылады. Табиғатты күтуге 700 мыңнан астам адам қатысады. Жалғызбасты және қарт адамдарға көмек көрсетуге ерекше назар аударылады.
Еріктілер қазірдің өзінде үйлер мен аудандарды тазарту және тәртіпті қалпына келтіру жұмыстарын бастады.