ҚР Еңбек және халықты әлеуметтік қорғау министрлігі «Шетелдік, азаматтығы жоқ адамға өз бетінше жұмысқа орналасу үшін біліктіліктің сәйкестігі туралы анықтама беру немесе ұзарту» қызметін онлайн режимге ауыстырды, деп хабарлайды karasayinfo.kz желілік басылымы «Хабар 24» сайтына сілтеме жасап.
Енді оны egov.kz порталында алуға болады. Шетелдіктер мен азаматтығы жоқ адамдар бұл қызметті әлемнің кез келген жерінен ала алады. 16 маусымнан бастап Халыққа қызмет көрсету орталығына жеке өтініш беру талап етілмейді, бұл қызмет алушының да, қызмет берушінің де уақыты мен қаражатын айтарлықтай үнемдейді.
– Біз қазір барлық өзара іс-қимылды онлайн форматта жүзеге асыру маңызды екенін түсінеміз. Соңғы оқиғалар бұған дәлел болып отыр. Сондықтан біз барлық қызметімізді жоспарлы түрде электрондық түрге ауыстырамыз, сондықтан олардың кез келгенін оңай пайдалануға болады. Шетелдіктерге немесе азаматтығы жоқ адамдарға жұмысқа орналасу үшін анықтама беру бойынша нақты қызметке келетін болсақ, оны egov.kz порталында алу үшін «Азаматтық, көші-қон және иммиграция» бөлімінде қызметтің өзін таңдап, «Онлайн тапсырыс беру» батырмасын басу қажет. Ашылған терезеде міндетті алаңдарды (ЖСН, ТАӘ, Телефон, e-mail) толтыру және білімі туралы, еңбек қызметін растайтын және шетелдіктің жеке басын куәландыратын құжаттардың сканерленген көшірмелерін тіркеу қажет. Содан кейін сұранымға ЭЦҚ немесе бір реттік құпия сөз арқылы қол қою керек, – деп хабарлады ҚР еңбек және халықты әлеуметтік қорғау вице-министрі НариманМұқышев.
Қызмет көрсету мерзімі қажетті құжатқа байланысты 3 күннен 21 күнді құрайды: анықтама беру немесе оны ұзарту. Естеріңізге сала кетейік, 2020 жылдың соңына дейін Еңбекмині өзінің барлық қызметті электрондық форматқа көшіруді жоспарлап отыр. 2019 жылдың қорытындысы бойынша электрондық түрде көрсетілетін қызметтер үлесі 80% құрады.