ҚР ауыл шаруашылығы министрі «Қазақстан Республикасының аумағынан жекелеген тауарларды шығарудың кейбір мәселелері туралы» бұйрыққа қол қойды, деп хабарлайды Karasayinfo.kz желілік басылымы 24.kz сайтына сілтеме жасап.
Аталмыш бұйрыққа сәйкес еліміздің аумағынан шығаруға тыйым салынған тауарлардың тізімі бекітілді. Оған қарақұмық, картоп, пияз, дәндер, қант, күнбағыс майы кірді.
Сондай-ақ, экспортқа шығару үшін сандық шектеулер (квоталар) енгізілетін тауарлардың тізімі бекітілді. Бұл тізімге сәбіз, шалқан, қызылша, қырыққабат, ұн, жұмсақ бидай кіреді.
Бұйрық мемлекеттік тіркелген күннен бастап күшіне енеді және 2020 жылдың 1 қыркүйегінде күшін жояды.