Еліміздің өңірлеріндегі эпидемиологиялық ахуалды бағалау матрицасы бүгінгі, яғни, 2 маусымдағы жағдайды жариялады, деп хабарлайды Karasayinfo.kz желілік басылымы. Бұл туралы ақпарат Үкімет жанындағы коронавирустың таралуына жол бермеу жөніндегі ведомствоаралық комиссияның Telegram каналында белгілі болды.
Ресми мәлімет бойынша еліміздің эпидемиологиялық ахуалы мынадай:
«Қызыл» аймақта – Нұр-Сұлтан қаласы, Ақмола, Қарағанды облыстары.
«Сары» аймақта – Алматы қаласы, Атырау, Батыс Қазақстан, Қостанай, Павлодар және Солтүстік Қазақстан облыстары.
«Жасыл» аймақта – Шымкент қаласы, Алматы, Ақтөбе, Жамбыл, Қызылорда, Маңғыстау, Шығыс Қазақстан және Түркістан облыстары.
Ал, әлем бойынша Қазақстан Республикасы «сары» аймақта тұр.