Қазақстанда мәдени-бұқаралық іс-шараларда фонограммаларды пайдалану және көрермендерді хабардар ету қағидалары бекітілді, деп хабарлайды karasayonfo.kz желілік басылымы Holanews.kz сайтына сілтеме жасап.
Бұйрыққа сәйкес, ойын-сауық, мәдени-бұқаралық іс-шараларды ұйымдастырушылар, сондай-ақ шығармашылық ұжымдар музыкалық шығармаларды орындау кезінде фонограммаларды пайдалану туралы көрермендерге хабарлауы тиіс.
Теле-радиоарналарда берілетін бұқаралық іс-шараларда фонограммаларды пайдалану туралы дыбыстық хабардар етудің ұзақтығы хабарламаның басында немесе соңында кемінде бес секунд болуы керек.