Sorry, this entry is only available in Русский.
Жуырда болашақ мамандардың «Денсаулық кепілі – спорт» атты волейбол жарысы өтті. Жалпы студенттердің басын қосқан бұл сайысты «Жас Отан» жастар қанаты ұйымдастырды. Ауданымыздың білім ошақтарынан келген 6 құрама команданың сайысын, жарыс өтіп жатқан Қаскелең гуманитарлы-техникалық колледж директоры Б.Алтаев құттықтау сөзбен ашты.
Қатысушылар арасында саламатты өмір салтын насихаттап, сонымен қатар, достық, патриоттық сезімді тәрбиелеуді мақсат тұтқан бұл бәсекеде аталған колледждің студенттері 1-орынды қанжығасына байлады. Шеберліктерін шыңдап, 2-орынға Үшқоңыр су шарауашылық колледжі командасы табан тіреді. Ал, С.Жандосов атындағы кәсіптік-техникалық колледжінің тәлімгерлеріне 3-орын бұйырды. Жеңіс тұғырынан көрінген спортшыларға алғыс хат пен бағалы сыйлықтар табысталды.
