Қазақша
Алматы облысы жастар саясаты мәселелері басқармасының ұйымдастыруымен Талдықорған қаласы, Қаратал өзенінің жағалауында «Jetisu style» жастар фестивалі өтті. Мерекелік іс-шараға Қарасай ауданының жас әншілері, бишілері, ақындары қатысып, Алматы облысының әкімі Амандық Баталов белсенді жастарды дипломмен марапаттады. Облыс басшысы қатысқан кеште 25 түрлі шара ұйымдастырылды. Шараның мақсаты жастардың шығармашылық әлеуетін көтеру. Мерекелік фестивальда тұрғындарға тегін қарбыз таратылып, 100-ге жуық домбырашы күй шерттіп, түрлі көрмелер ұйымдастырылды. Облысымыздың 200-ге жуық жас ақындары, күйшілері, әншілер мен бишілер шараға қатысып, өз өнерлер көрсетті.
