Судьялар студенттер арасында

Судьялар студенттер арасында

Жуырда Қарасай аудандық сотының судьясы Ербол Бекенов пен Алматы облыстық қылмыстық істер жөніндегі ауданаралық сотының судьясы Асқар Бейімбетов Сулейман Демирел университетінің студенттерімен кездесу өткізді. Елбасының «100 нақты қадам» Ұлт жоспарының іске асырылуы туралы және сот жүйесіне екінші институционалдық реформа – заңның үстемдік құруы аясында қысқа мерзімде іске асырылған 10 мақсатты қадам бекітілгенін атап, түсіндіру жұмыстарын жүргізуді мақсат еткен жиында бірнеше тақырып аясында әңгіме өрбіді. Басқосу барысында Е. Бекенов аудандық сотта азаматтық істердің қалай қаралатынын, аудио және бейнежазба құралдарының қалай жұмыс атқаратынын түсіндіре отырып, «Сіздердің мамандықтарыңыз заңгер, әр қайсысыңыз үлкен бір маман иесі боласыздар. Елбасының үндеп отырған салиқалы саясатының барлығы дерлік Сіздерге, яғни, жастарға арналған , «Білім инемен құдық қазғандай» демекші білімдеріңізді ұштап, ортақ Отанымыздың дамуына үлкен үлес қосасыздар деген сенімдемін» – деп болашақ әріптестерін қанаттандырып қойды. Ал, А. Бейімбетов студенттерге сот жүйесіндегі аса ауыр қылмыстар туралы кеңінен ақпарат берді.  Өз кезегінде аталған жоғарғы оқу орнының білім алушылары тарапынан көптеген сұрақтар қойылып, көкейде жүрген сауалдарына нақты жауаптар алды.

Кездесу соңында судьялар жиынға қатысушыларға оқуда жетістік, сонымен қатар өз ісінде жоғары білікті маман болуды тілеп, оларды сот жүйесінің қызметкерлері қатарынан көретініне және алдағы уақытта жоғарғы оқу орын мен сот арасында ынтымақтастықтың әрі қарай жалғасатынына сенім білдірді.

Оставить комментарий

Ваш адрес email не будет опубликован. Обязательные поля помечены *

Что будем искать? Например,Человек

Мы в социальных сетях