«Nur Otan» партиясының кезектен тыс XXI съезі барысында Мемлекет басшысы Қасым-Жомарт Тоқаев өзінің жаңа қызметі туралы пікір білдірді.Президенттің айтуынша, барлық мәселе 2022, яғни осы жылдың соңына қарай шешіледі, деп хабарлайды Naqty.kz желілік басылымы ҚР Президентінің баспасөз қызметіне сілтеме жасап.
«Негізі, Президент кез-келген партиялар мен қозғалыстардағы басшылық қызметтен аулақ болуы керек. Сондықтан біраз уақыттан кейін, бәлкім осы жылдың соңына қарай, мен «Nur Otan» партиясындағы төрағалық қызметімді қайта қарауым мүмкін»,—деді Мемлекет басшысы.
Бұған дейін партияның кезектен тыс XXI Съезінің шешімімен Қазақстан Республикасының Президенті Қасым-Жомарт Кемелұлы Тоқаев бірауыздан «Nur Otan» партиясының төрағасы болып сайланды. Жиын барысында ол Елбасы Нұрсұлтан Назарбаев туралы жағымсыз әңгімелер тарап жатқанын білетінін айтты.