Бүгін Мемлекет басшысы Қасым-Жомарт Тоқаев ҚР Премьер-Министрінің кандидатурасын ұсынып, ауқымды баяндама жасайды, деп хабарлайды Naqty.kz желілік басылымы.
Бұл туралы ақпаратты ҚР Президентінің баспасөз хатшысы Берік Уәли өзінің әлеуметтік парақшаларында мәлім етті.
«Бүгін сағат 11.15-те Мемлекет басшысы Қасым-Жомарт Тоқаев бейнебайланыс арқылы Парламент Мәжілісінің отырысына қатысып, еліміздің жаңа Премьер-Министрінің кандидатурасын ұсынатын болады. Сондай-ақ Президент саяси және әлеуметтік-экономикалық салалардағы өзекті мәселелерді шешу бойынша ауқымды баяндама жасайды»,-делінген Б.Уәлидің хабарламасында.
Жиынды «Хабар 24» телеарнасы тікелей эфирде көрсетеді.