Қарасайлық Назерке Торпакова үздік қолөнер шебері атанды

Қарасайлық Назерке Торпакова үздік қолөнер шебері атанды

Кеше облысымыздың орталығында «Дарынды іске» атты ІІ облыстық өнер шығармашыларының байқауы өткен болатын. Аталмыш байқауда біздің ауданымыздың жұртшылығын өнерімен тәнті етіп жүрген жас қолөнер шебері Назерке Ерболқызы жеңіске жетіп, ауданның абыройын асқақтатып келді, – деп хабарлайды Karasayinfo.kz желілік басылымы.
Тәуелсіздігіміздің 30 жылдығының аясында, ұлттық құндылықтарымыз дәріптелген дүбірлі шарада өз туындыларын облысымыздың аудандарынан келген жас қолөнершілер мен қылқалам шеберлері ұсынды. Көптеген жұмыстардың арасында Назеркенің туындылары үздік деп танылып, ол Алматы облысының мәдениет, архивтер және құжаттама басқарма басшысы Мәрлен Көлбаевтың атынан Дипломмен марапатталды.
Айта кетейік, қарасайлық Назерке Торпакова қолөнер шеберлігімен 15 жасынан айналыса бастаған. Өзінің дарынды жұмыстары арқылы көптеген аудандық, облыстық байқауларда көп ішінен топ жарып, жеңіске жеткен. Бүгінде ол ата-бабаларымыздан қалған төл өнерімізді жас ұрпаққа насихаттау мақсатында жақында ауданымызда ашылған Асау-Барақ мектебінде оқушыларға қолөнер шеберлігін үйретуде.

Оставить комментарий

Ваш адрес email не будет опубликован. Обязательные поля помечены *

Что будем искать? Например,Человек

Мы в социальных сетях