Алматы облысындағы жаппай төбелес болды: Қазір жағдай тұрақты

Алматы облысындағы жаппай төбелес болды: Қазір жағдай тұрақты

Алматы облысының Панфилов ауданы Пенжім ауылында жаппай төбелес болып, бір жасөспірім ауруханаға түсті, деп хабарлайды Karasayinfo.kz желілік басылымы облыстық Полиция департаментінің баспасөз қызметіне сілтеме жасап.

Жаппай төбелестің видеосы әлеуметтік желіде тарады. Жағдайды Алматы облысының полиция департаменті растады.

«27 қазан күні Панфилов аудандық орталық ауруханасы Пенжім ауылындағы мектеп аумағынан 16 жасар жасөспірім дене жарақатымен келіп түскен. Тексеру барысында 9 және 10-сыныпта оқитын екі оқушының арасында ауызша дау-дамай туып, оның соңы оқушылар арасындағы төбелеске ұласқаны және оның салдарынан жасөспірімнің зардап шеккені белгілі болды» делінген хабарламада.

Аталған факті бойынша ҚР ҚК 106-бабының 2-бөлігі негізінде қылмыстық іс тіркелді, жанжалға қатысушылардың барлығы анықталды.

Қазіргі уақытта зардап шегушінің жағдайы тұрақты, оған қажетті медициналық көмек көрсетілді. Ауыл азаматтары мен аудан әкімі, ақсақалдар және Алматы облысы ПД бастығы тарапынан кездесулер мен түсіндіру жұмысы жүргізілді.

Қазіргі уақытта жағдай тұрақты және бақылауда.

Ал, Алматы облысы Денсаулық сақтау басқармасы жаппай төбелес кезінде зардап шеккен оқушының жағдайы туралы мәлімдеді.

«Бір топ адам бірқатар жекеменшік үй терезелерін, сондай-ақ бірнеше көлікті сындырған. Бұл дерекке қатысты ҚР Қылмыстық кодексінің 293 2-бөлімі («Бір топ адамдар жасаған бұзақылық») бойынша қылмыстық іс қозғалды», — делінген хабарламада.

Оставить комментарий

Ваш адрес email не будет опубликован. Обязательные поля помечены *

Что будем искать? Например,Человек

Мы в социальных сетях