Талдықорған қаласында «Орбұлақ шайқасының» тарихи қойылымы болады, деп хабарлайды karasayinfo.kz желілік басылымы.
Аталмыш тарихи іс-шара 19 қазан күні, сағат 11.00-де Талдықорғандағы ипподромда өтеді.
Өздеріңіз білетіндей, биыл Алтын Орданың құрылғанына 750 жыл толып отыр. Бұл айтулы оқиғаны Мемлекет басшысы Қасым-Жомарт Тоқаев жоғары деңгейде атап өтуді тапсырған болатын.
Осыған орай, ұлттық құндылықтарды жаңғырту, тарихқа тағзым ету мақсатында Талдықорған қаласындағы ипподромда Елбасы Н.Назарбаевтың «Ұлы даланың жеті қыры» бағдарламалық мақаласы мен «Рухани жаңғыру» бағдарламасы аясында «Орбұлақ шайқасының» тарихи қойылымы көпшілік назарына ұсынылады.
