Республикалық барлық аумағында «Нәтижелі жұмыспен қамтуды және жаппай кәсіпкерлікті дамытудың 2017-2021 жылдарға арналған» бағдарламасы іске асырылуда. Бүгін осы акция бойынша аудандық «Нұр Отан» партиясы филиалында азаматтарды бірыңғай қабылдау күні ұйымдастырылды. Мақсаты – жұмыс беруші мен ізденуші мүдделі екі тараптың сұраныстарын қанағаттандыруға мүмкіндік туғызу. Бұл шараға аудандағы осы мәселені шешуге құзырлы мекемелер қатысып, өз кеңестерін берді. Соның ішінде жұмыспен қамту бөлімі «Солтүстік аймақтарға көшу» бағдарласымен қатар бос жұмыс орындарын ұсынды. Ал, «Атамекен» ҰК палатасының аудандық филиалын өкілі кәсіпкерлік, аспаз, құрылысшы және тағы да басқа мамандықтар бойынша жылына 75 адамға дейін оқыта алатын тегін айлық курстар жөнінде түсіндіріп өтті.
