Марат Сұлтанғазиев өңірдің ірі инвесторларымен кездесті

0
1052

Бүгін Алматы облысының әкімі Марат Сұлтанғазиев «Маревен Фуд Тянь-Шань» ЖШС, «Aluminium of Kazakhstan» ЖШС және «Tree Energy» ЖШС инвестициялық компанияларының басшыларымен жеке кездесулер өткізді.
«Маревен Фуд Тянь-Шань» ЖШС «дайын тамақ өнімдері мен жартылай фабрикаттарды өндіру зауыты» жобасының тұсаукесерін ұсынды.

Бүгінгі таңда бұл Қазақстан Республикасындағы ірі инвестициялық жобалардың бірі, ол тамақ өнімдерінің (макарон өнімдерінің) кең ассортиментін әзірлеуге, өндіруге және оларды ел аумағында және Еуразия аймағында жүзеге асыруға мамандандырылған.

2022 жылдың 1-ші жартыжылдығында жүзеге асырылған инвестициялардың жалпы көлемі 35,0 млрд теңгеден асады. Өндірістік қуаты — жылына 85 мың тоннадан астам дайын өнім (жылына 1,0 млрд данадан астам). 900 – ге жуық адам жұмыс орындарымен қамтамасыз етілген, олардың 90% — ы жергілікті тұрғындар.

— Қазіргі уақытта біздегі проблема кәсіпорын өнімдерінің экспортынан ҚҚС қайтару мәселесінде жатыр. Бізден экспортқа емес, ішкі нарыққа көбірек жұмыс істеуді сұрайды. Бірақ бізде өнімнің 50% — дан астамы экспортқа кетеді. Сонымен қатар, біз үшінші желі – ұн тарту цехын ашқымыз келеді, — деді «Маревен Фуд Тянь-Шань» ЖШС директоры Бернард Вавржин.

«Hoffmann» сауда белгісімен «Aluminium of Kazakhstan» ЖШС кең мақсаттағы алюминий профильдерін өндіру бойынша толық циклді көшбасшы кәсіпорын болып табылады. Компания Іле ауданында тіркелген, жергілікті өндірушілерді қолдау және дамыту мақсатында 2013 жылы құрылған. Құрылыс пен дамуға құрылтайшылардың жеке капиталының шамамен 4 трлн теңгесі инвестицияланды. Компания құрылған сәттен бастап шамамен 30 мың тонна өнім өндірілді, жұмыс орындарының саны – 700-ге дейін ұлғайды, бюджетке түсетін түсімдер жылына 2 млрд-ты құрайды. Компанияның өнімдері еліміздің әлеуметтік-маңызды және имидждік нысандарын салу кезінде қолданылады, сондай-ақ жақын шет елдерге экспортталады.

«Aluminium of Kazakhstan» ЖШС Бас директоры Жұмабек Нұрсұлтан «алюминий профильдерін өндіру және экструзия» жобасын таныстыра отырып, КТС және ҚҚС бойынша қосымша есептеуге қатысты салықтық тексеру актісі бойынша мәселені талқылауға шығарды.
«Tree Energy» ЖШС Қазақстан аумағында ғана емес , шетелдерде де жел генераторларын, микрогидроэлектрстанцияларын және күн электр станцияларын өндіруді және жеткізуді табысты жүзеге асырады. Tree energy-бұл ҚР аумағындағы жаңартылатын энергия негізінде жұмыс істейтін күн, жел, су электр станцияларының ең үздік әзірлемелері. Өндірістік-эксперименттік алаңдар, жабдықталған станок паркі және білікті мамандар тобы бар.

Бүгін біз ЖҚЕ бұзушылықтарын фото-бейнетіркеу жүйесін енгізу және пайдалану бойынша жобаны, атап айтқанда, бірегей жаңа шешім — автономды камераларды ұсынамыз. Олар сыртқы қуат көздеріне тәуелді емес, бейнебақылау камераларын қамтамасыз ететін электр энергиясы жаңартылатын энергия көздерінен өндіріледі. Сондай-ақ, бұл камераларға интернет қажет емес. Сонымен қатар, катарлықтар «жасыл» автономды мектептер салуда», біз олармен жаңартылатын энергиямен қамтамасыз ету бойынша ынтымақтасамыз. Бірақ біз оларды Алматы облысында осындай екі мектеп салуға көндірдік, ол үшін жер керек. Болгария және Түркия сияқты елдермен де атқарымдар бар, сондықтан оларды біздің өңірге тарту бойынша мәселелерді талқылағымыз келеді, — деп атап өтті «Tree Energy» ЖШС Бас директоры Жамбыл Мұзбаев.

Алматы облысының әкімі Марат Сұлтанғазиев «Маревен Фуд Тянь-Шань» ЖШС компаниясының бұрынғы деңгейдегі жұмысын қолдап, Мемлекеттік кірістер департаментіне ҚҚС мәселесін шешуді тапсырды. Аймақ басшысының айтуынша, «Aluminium of Kazakhstan» ЖШС мәселесі әкімдіктің құзырына кірмейді, бірақ компания ірі салық төлеуші болғандықтан, бұл мәселені қарастыруды тапсырды. Сонымен қатар, егер компания кеңейтуді шешсе және ол үшін перспективалы бизнес-жоспар ұсынса, ынтымақтастық туралы уәде берді.

— Сіздердің жобаларыңыз қызықты, — деді «Tree Energy» ЖШС Бас директорына арнаған сөзінде Марат Елеусізұлы, — жолдардағы апатты жағдайлардың алдын алу бойынша да, мектеп құрылысы бойынша да, өйткені ЖКО және үш ауысымды мектептер проблемалары өңірде бірінші орындардың бірінде тұр. Егер сіз атаған инвесторлар келсе, біз олармен кездесіп, бірлескен ынтымақтастықты талқылауға дайынбыз. Жалпы, бүгінгі күні айтылған барлық мәселелер екі апта ішінде қаралып, оларды шешу жолдары ұсынылуы тиіс

4290 символ с пробелами.

ОСТАВЬТЕ ОТВЕТ

Пожалуйста, введите ваш комментарий!
пожалуйста, введите ваше имя здесь