Sorry, this entry is only available in Орыс Тілі.
Таяуда Мәскеу қаласында «Халықаралық экология, инженерия және педагогика ғылым академиясы» қоғамдық қорының ұйымдастыруымен, «Казахстан – Россия: Наука без границ» тақырыбында ІІІ Халықаралық ғылыми-практикалық конференция өтті. Оған Қаскелең қаласындағы Абай атындағы мектеп-гимназия директоры Т.Сайбырова мен бір топ оқушылар қатысып, жеңіспен оралды. Атап айтқанда, Тұрсын Әділбекқызы «Ретранслирование педагогического опыта НИШ: «25 книг, 25 песен» для духовного и личностного развития учащихся» атты жобасын қорғап, мұғалімдер мен білім қызметкерлері арасында конференция жеңімпазы дипломымен, кәсіби шеберлігі үшін «Білім үздігі» медалімен марапатталды. Сонымен қатар 10-сынып оқушылары Әйгерім Жақсыкелдина мен Анель Бектасова, 11-сынып оқушысы Азиз Манасов қазақ тілі, биология, география пәндері бойынша түрлі тақырыптардан ғылыми жұмыстарын жақсы қорғап, жүлделі орындарды иеленді.
Сондай-ақ, математика пәнінің мұғалімі Еркеназ Ермаханова да арнайы сертификатқа ие болды. Осы жетістіктер нәтижесінде қатысушылар алдағы уақытта Польшада және Ұлыбританияда өтетін конференцияларға жолдама алды.
