Қазан айының екінші жексенбісі мүгедектер күні. Осыған орай, Қарасай ауданы дене шынықтыру және спорт бөлімі мен «Жігер-М» мүгедек спортшылар федерациясы ұйымдастыруымен мүмкіндігі шектеулі азаматтар арасында спартакида өтті.
Қаскелең қаласындағы «Дельфин» және «Қарасай батыр» спорттық кешенінде болған жарысқа Жамбыл және Қарасай ауданынан 100-ден астам мүмкіндігі шектеулі жандар бақ сынасты. Өзара сынға түсіп, мықтыны анықтаған жарыскерлер жүзу, шахмат, үстел теннисі, еркін күрес, грек-рим күресі, бадминтон, дзюдо, армлестлиг спорт түрлерінен сынға түсті. Бұл сайыстың мақсаты – мүмкіндігі шектеулі азаматтардың құқықтарын сақтау, әлеуметтік жағдайын жақсартуға және салауатты өмір салтын ұстануға айрықша назар аудару.
Тартысқа толы өткен жарыс қорытындысы бойынша жеңімпаздар Ұмтыл ауылы – І орын, Райымбек ауылы – ІІ орын, ал Жамбыл ауданы жүлделі ІІІ орынға ие болып, медальдарымен және Алғыс хаттармен марапатталады.