Sorry, this entry is only available in Русский.
Ауа райының қолайсыздығына байланыстыАлматы, Шығыс Қазақстан, Батыс Қазақстан, Қостанай облыстарында бірнеше автокөлік жолы жабылды деп хабарлайды Karasayinfo.kz желілік басылымы Today.kz сайтына сілтеме жасап.
Боранның қатты соғып тұруына байланысты өңірлерде жол мүлдем көрінбейді. Мұндағы жол көлік апаттарын алдын алу мақсатында осындай шешім қабылданып, ұялы телефондарға хабарламалар жіберілген. Нақтырақ айтсақ, төмендегі тас жолдар барлық транспорттар үшін жабылды. Олар: Үшарал – Достық автожолы (83-тен 184 шақырымға дейін, Көктұма ауылынан Достық бекетіне дейін). Алматы–Өскемен екі бағыты бойынша жабық (16-дан 72 шақырымға дейін, 967-дан 780 шақырымға дейін, Алматыдан Қапшағайға дейін). Воскресеновка–Петрапавловка–Шелехово–Белағаш–Дмитриевка автожолы (24-тен 47 шақырымға дейін)
Тасқала–Аққурай–Болашақ–Ресей Федерация шекарасы автожолы (0-ден 157 шақырымға дейін) және Ақсай – Жымпиты (39-дан 159 шақырымға дейін). Сондай-ақ, Қостанай облысындағы Әулиекөл ауылынан Жолдама ауылына дейінгі (53-тен 287 шақырымға дейін) автожолы көліктің барлық түрі үшін жабық.