Sorry, this entry is only available in Орыс Тілі.
Ауданымызда вокал студиясының бар екенін көпшілігіміз біле бермейміз. Жақында, Қаскелең қаласында «Қуаныш Құрманбаевтың вокал студиясы» ашылғанын қуанышпен хабарлаймыз. Іске кіріскеніне бір ай толмаса да 15-ке жуық шәкірт тәрбиелеп отырған ұжым вокалдан, сахна мәдениетінен, домбырадан, фортепиянодан сабақ береді және дыбыс жазады, ән өңдейді. 5 жас пен 18 жас аралығындағы жасөспірімдерді қабылдап, тәлім беретін өнер бірлестігінің мақсаты айқын.
Енді тәй-тәй басып келе жатқан ұжым алғашқы қатысатын байқауына да дайындықты бастап кеткен. Қаңтардың 20-сы күні болатын республикалық Мұқағали Мақатаевтің сөзіне жазылған «Жырлайды жүрек» жасөспірімдер ән-жыр додасында бақ сынауға ниетті.
- Болашаққа қойған жоспарларымыз көп. Студия ауқымын кеңейту, шәкірттерімізді түсірілімдерге алып бару, ең бастысы үлкен әншілермен дуэт жазуға дейін апарамыз,- дейді студияның меңгерушісі Қарлығаш Сырлыбекқызы (суретте).
Болашақта атақты жұлдыздармен екі айда бір рет кездесіп, сабақ алу
жүргізіліп тұрады деп жоспарлануда. Аталмыш мекеме Қаскелең қаласы, Абылай хан көшесі 22 «б», «Сұлулық- денсаулық орталығы» ғимаратының 3- қабатында орналасқан.
