Кеше Алматыда Қазақстан үшін айтарлықтай нәтижелі болып аяқталған 2017 жылғы Қысқы Универсиада ойындарының жабылу салтанаты болып өтті. Салтанатты жабылу рәсіміне ел премьер-министрі Бақытжан Сағынтаев, Алматы қаласының әкімі Бауыржан Байбек пен Халықаралық студенттер спортының президенті Олег Матицын қатысты.
Сонымен, Қазақстан 28-ші Қысқы Универсиада ойындарындағы жалпы командалық есепте екінші орынға ие болып, 11 алтын, 8 күміс және 17 қоланы қанжығасына байлады. Ал, бірінші орынды Ресей құрамасы алып, үшінші орын Оңтүстік Корея құрамасына бұйырды. Айта кету керек, байрақты бәсекеде 57 елден 2000-нан астам спортшы бақ сынасқан. Солардың ішінде озат шығып, алтын алқа таққан қазақстандық спортшылардың есімдерін атап өтсек.
Алина Райкова
биатлон (дара 15 шақырым жарысы)
Галина Вишневская
биатлон 2 алтын медаль (7.5 км спринт пен 12.5 км көпшілік бастау жарысы)
Иван Люфт
шаңғы жарысы Men’s Sprint Classic
Анна Шевченко, Олжас Климин
аралас топтық спринт шаңғы жарысында
Денис Тен
мәнерлеп сырғанаудан
Юлия Галышева
2 алтын медаль фристайл могулі мен фристайл қос могулінен
Дмитрий Рейхорд
2 алтын медаль фристайл могулі мен фристайл қос могулінен
Бағлан Іңкәрбек және Жанбота Алдабергенова
топтық Mixed Team Aerials фристайл мәнерінен