Қазақстанда жарияланған төтенше жағдайға байланысты қашықта жұмыс істеу режиміне көшкен Нұр-Сұлтан қаласының тұрғындарына электр энергиясы мен өзге де шығындарды өтеу мәселесі қарастырылуда, деп хабарлайды karasayinfo.kz желілік басылымы ҚР ДСМ Тауарлар мен қызметтер сапасын бақылау комитетінің баспасөз қызметіне сілтеме жасап.
Қашықта жұмыс істеуге көшкен қызметкерді жұмыс беруші коммуникация және байланыс құралдарымен қамтамасыз етуі тиіс. Ал, қызметкер тұрақты негізде өзінің байланыс құралдарын пайдаланатын болса, жұмыс беруші өтемақы төлейтін болады. Өтемақының көлемі мен төлеу тәртібі келісім бойынша бекітіледі. Қашықта жұмыс істейтін қызметкердің жұмысын атқаруға байланысты қолданылған, яғни, электр энергиясы, су мен өзге де шығындар өтелуі қажет.