Жуырда, «Нұр Отан» партиясы Қарасай аудандық филиалы төрағасының бірінші орынбасары Б.Төлеген, аудандық құрылыс бөлімінің басшысы М.Анаркулов, аудандық мәслихаттың депутаттары А.Гасанов пен Е.Выгай «Нұрлы жол» бағдарламасы аясында жүзеге асырылып жатқан Қырғауылды ауылындағы 900 орындық мектептің құрылыс жұмыстарымен танысып қайтты.
Оның барысында филиал төрағасының бірінші орынбасары Бейбіт Кеңесұлы«Нұрлы жол» бағдарламасы аясында аудан аумағында жүргізіліп жатқан құрылыс жұмыстарын бақылау үшін аудандық мәслихаты депутаттары партиялық фракция мүшелерінен арнайы комиссия құрылғанын, сонымен қатар, ай сайын олардың тарапынан бір рет құрылыс жүріп жатқан жерде болып, жұмыстың сапасы мен қаржының мақсатты жұмсалуына бақылау жасайтынын айтты. Сондай-ақ, заман талабына сай бой көтерген осы білім ордалары оқушыларға сапалы білім, саналы тәрбие беруге үлкен мүмкіндік туғызатынын да тілге тиек етті.
Сонымен жұмыс барысымен мұқият танысқан комиссия мүшелері жауапты басшыларға кейбір мәселелер жөнінен ескертулер жасап, алдағы уақытта да құрылыс нысандарының осылай бақылауда болатынын айтты.