Біреуге жақсылық жасау үшін асқан күштің, аста-төк байлықтың қажеті жоқ, жәй ғана адам бойында мейірімділік пен жанашырлық, түзу ниет болса жеткілікті. Барлығы содан басталады. Бұлай сөз айтуға халық арасында «Зағиптар қоғамы» деп аталатын Қаскелеңдегі ықшам ауданның тұрғыны, көру қабілеті нашар Асқар Тюльбаевтың өтінішін жерге тастамаған қайырымды жанның атқарған ісі себеп болып отыр. Аталған ықшамауданда басым көпшілігі зағип жандар тұрғандықтан, айналасы олардың ыңғайына қарай жасалса құба-құп болар еді. Аталған аймақта орналасқан екінші үйдің бірінші, екінші подъездердің сыртқы жағында орналасқан шатыр кішкентай әрі ескі болғандықтан, жаңбыр жауған кезде дәліздің ішінен қарап кіріп кете беретін. Сонымен қатар, бесінші үйдің айналасындағы зағип жандардың бағыттан шатаспау, құлап қалмауы үшін орнатылған темір бағаналары ескеріп кеткен, одан қала берді жолдан алыс орналасуы көптеген тұрғындарына ыңғайсыз болатын. Осы мәселелерді Асқар ағамыз қайырымды жанға жеткізеді. Өзін «Ж-Каскелен» ЖШС-нің мекемесінің қызметкері деп таныстырған Ержан Бакиев есімді азамат айтқан өтініштерді көп уақыт өткізбей орындайды. Шатырды жабуға, темірді орнатуға барлық құрылыс материалдары мен жұмысшылардың бәрін өз қаражаты есебінен төлейді. Қайырымды жанның бұл атқарған жұмысынан аула тұрғындары дән риза.
Қаскелендегі «Зағиптар қоғамына» қайырымды жан көмек көрсетті (Видео)
