Жақында, «Жас Отан» жастар қанатының белсенділері аудан орталығы Қаскелең қаласында «Ардагерлерді ардақтайық» атты қайырымдылық акциясын өткізді.
Олар Ұлы Отан соғысының ардагері Василий Безруковтың үйіне барып, есік алдындағы қарды күреп, тазалық жұмыстарымен айналысты.
Осылайша, жас жігіттер мен қыздардың ардагерлерді қадірлеуді, қолдан келгенше жәрдемдесуді ұйғарғаны соғысқа қатысқан қарияны қатты қуантты.
Соңында, майдангер атамыз ақ батасын беріп, жалын жүрек жастарға шын ниеті мен үлкен ризашылығын білдірді.
